Leikur: Hedda Gabler

Sjónleikarfelagið Glotti í Gøtu er í gongd við uppseting av leikinum Hedda Gabler. Leikurin er leysliga týddur eftir leikritinum hjá Henrik Ibsen. Búi Dam leikstjórnar.

Leikurin, sum er meira enn 100 ára gamal, verður tulkaður og uppsettur sum ein nútímans klassikari.

Leikurin verður pallsettur og framførdur inni í nýggja Býráðshúsinum í Norðragøtu.

Pallsetingin verður gjørd í einum nútímans anda, sum kann geva áskoðarunum eina uppliving av aktualiteti. Í staðin fyri at byggja ein pall upp til leikin, verður leikurin bygdur upp í teimum kørmum, sum Býráðshúsið við síni innrætting og umstøðum hevur.

Leikurin snýr seg um nýgiftu Heddu Tesman (fødd Gabler), sum keðir seg í tilveru síni. Hon manipulerar fólkini rundan um seg og spælir við lív og deyða. Hetta fær vanlukkuligar avleiðingar fyri hana sjálva og onnur.


Nærri kunning um sýningar o.a. kemur seinni.