Tveir nýggir nevndarlimir í MáF

13 mar 2018

Á aðalfundi 10. mars komu tveir nýggir limir inn í nevndina í MáF. Tríggir nevndarlimir stóðu fyri vali – Noomi Reinert og Rúna Mortensen stillaðu báðar upp aftur, meðan Beinta Flóvinsdóttir ikki stillaði upp aftur. Noomi Reinert, sum hevur sitið sum forkvinna í nevndini seinastu árini, varð vald inn aftur umframt tveir nýggir limir – Jákup Dahl Wardum úr Havnar Sjónleikarafelag og Ann Mari J. Midjord úr Klaksvíkar Sjónleikarafelag. MáF takkar fyrrverandi nevndarlimunum og bjóðar báðum nýggju limunum vælkomnan í nevndina.